Penonton Ngeluh Fasilitas Banten International Stadium (BIS) durung memadai

Banten International Stadium (Doc.Antara foto)

BANTEN – Sarana lan prasarana penunjang Banten International Stadium (BIS) akeh dikeluhké déning para pecinta bal-balan. Wiwit saking fasilitas parkir kendaraan nganti akses mlebu stadion sing dirasakaké durung memadayi.

Rahmatulloh, warga Kota Serang sing wektu kuwi nyaksikaké pertandhingan Liga Pegadaian Championship antarané Adhyaksa FC Banten lawan FC Bekasi City neng BIS, Selasa (23/9/2025), ngeluh soal akses mlebu stadion sing sempit lan lahan parkir sing ora cukup.

"Jalané sempit kanggo mlebu stadion, dadi macet. Wong-wong neng njero bingung golek parkiran, akibaté kendaraan ketahan neng antrian," ujare.

Ora mung kuwi, Rohman uga nambahi nek fasilitas kudué dibangun luwih apik.

"Iki stadioné apik tenan, ning dalan menyang parkiran isih akeh sing tanah. Coba nek dalané wis di aspal utawa dicor semen, terus parkirané lega, mesthi stadion iki tambah bagus, ora kalah karo stadion-stadion neng daerah liyané," tandasé.

Sakbanjuré, Gubernur Banten Andra Soni sing uga nyekseni pertandingan kasebut nerangaké menawa Pemprov Banten bakal fokus nglengkapi fasilitas penunjang BIS, kaya akses dalan lan sarana pendukung liyané. Dheweke ngarepaké BIS bisa dadi stadion sing mbanggakaké masyarakat Banten.

"Iki kudu dadi konsèn kita, merga stadion iki kudu diakoni salah siji sing paling apik neng Indonesia saka sisi lapangan," ungkap Andra Soni.

Baca juga: Polresta Serang Kota Belum Tetapkan Pemilik Gudang Miras Yang Digrebek

Baca juga: Penonton keluhkan Fasilitas Banten International Stadium Yang Tidak Layak

"Nanging saka sisi penunjang, kita isih kudu kerja keras manèh supaya stadion iki bisa luwih mbanggakaké warga Banten," tambahé.

Ing pertandingan antarané Adhyaksa FC Banten lawan FC Bekasi City, tercatat ana 7.238 penonton sing teka neng stadion. Padahal, kapasitas BIS tekané 30 ewu penonton. Artiné, durung tekan sepertiga, nanging potensiné bisa luwih rame nek fasilitas penunjangé wis lengkap.

"Iki durung tekan sepertiga saka kapasitas total," ujare manèh.